சென்னை:
கலைஞர் கருணாநிதி அறக்கட்டளையில் உள்ள நான்கு கோடி ரூபாயில் இருந்து வரும் வட்டித் தொகையில் மாதம் தோறும் ஏழை எளிய நலிந்தோருக்கு உதவித் தொகை வழங்கப்படுகிறது.
2005 நவம்பர் முதல் இதுவரை வழங்கிய நிதி ரூ. 5 கோடியே 41 லட்சத்து 90 ஆயிரம் ஆகும். மேலும் தற்போது வங்கியின் வட்டி விகிதம் குறைந்துள்ளதால் கடந்த நவம்பர் மாதத்திற்கு வட்டியாக கிடைத்த தொகையில் மருத்துவம் மற்றும் கல்வி உதவி நிதியாக மொத்தம் 8 பேருக்கு தலா ரூ.25 ஆயிரம் வீதம் மொத்தம் ரூ.2 லட்சத்தை தி.மு.க. தலைவர் மு.க.ஸ்டாலின் இன்று வழங்கினார்.
