என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
வெங்காயம் விலை சரிவால் விவசாயிகள் கவலை
Byமாலை மலர்2 Nov 2021 7:32 AM GMT (Updated: 2 Nov 2021 7:32 AM GMT)
2 மாதங்களுக்கு முன் அறுவடை தொடங்கியதிலிருந்து வெங்காயத்தின் விலை சரியத்தொடங்கியது.
மடத்துக்குளம்:
மடத்துக்குளம் புதிய ஆயக்கட்டு பகுதி விவசாயிகள் அணையில் இருந்து திறக்கப்படும் நீர் மற்றும் கிணற்றில் உள்ள நீரை கணக்கீடு செய்து அதற்கு தகுந்த அளவிலான பயிர் சாகுபடியில் ஈடுபடுகின்றனர்.
இதில் குறிப்பிடத்தக்க பயிராக சின்ன வெங்காயம் உள்ளது. கடந்த 5 மாதங்களுக்கு முன் இதன் விலை ரூ.60ல் இருந்து ரூ.120 வரை விற்பனையானதால் நல்ல விலை கிடைக்கும் என்ற எதிர்பார்ப்பில் பல விவசாயிகள், சின்ன வெங்காயம் சாகுபடி செய்திருந்தனர்.
2 மாதங்களுக்கு முன் அறுவடை தொடங்கியதிலிருந்து வெங்காயத்தின் விலை சரியத்தொடங்கியது. தற்போது நிலவரப்படி ஒரு கிலோ மட்டும் வாங்கினால் 20 ரூபாய்க்கும், மொத்தமாக வாங்கும்போது 100 ரூபாய்க்கு 6 கிலோவும் விற்பனையாகிறது. கொள்முதல் விலை இதை விட குறைவாக உள்ளதால் விவசாயிகள் கவலையடைந்துள்ளனர். இதுகுறித்து, விவசாயிகள் கூறியதாவது:-
ஒரு ஏக்கர் சாகுபடிக்கு நடவு தொடங்கி அடியுரம் இடுதல், களையெடுத்தல், மருந்து தெளித்தல், இறுதியாக அறுவடை செய்தல் வரை ரூ.70 ஆயிரம் முதல் ரூ.80 ஆயிரம் வரை செலவாகிறது. இரண்டு மாதங்களுக்கு முன்பு விலை நிலவரத்தை கணக்கீடு செய்து லாபம் எதிர்பார்த்திருந்தோம்.
ஆனால் தற்போது தீபாவளிப்பண்டிகைக்கு கூட விலை அதிகரிக்காமல் நாளுக்கு நாள் விலை சரிந்து வருவது கவலையாக உள்ளது என்றனர். வியாபாரிகள் கூறுகையில், தீபாவளிக்கு இன்னும் 2 நாட்களே உள்ள நிலையில் வெங்காயம் விலை சூடு பிடிக்கவில்லை. மொத்தமாக வாங்கி இருப்பு வைத்த வியாபாரிகளுக்கு நஷ்டம் ஏற்பட்டுள்ளது என்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X