வாணியம்பாடி அருகே ரெயில் மோதி முதியவர் பலி

ஜோலார்பேட்டை:

வாணியம்பாடியை அடுத்த மாரப்பட்டு விருசமந்திரம் பகுதியை சேர்ந்தவர் ராஜா (வயது 61). இவர் நேற்று விண்ணமங்கலம் -வாணியம்பாடி ரெயில் நிலையங்களுக்கு இடையே தண்டவாளத்தை கடக்கும்போது அவ்வழியாக சென்ற ரெயிலில் அடிபட்டு பரிதாபமாக உயிரிழந்தார்.

இதுகுறித்து தகவலறிந்ததும் ஜோலார்பேட்டை ரெயில்வே போலீஸ் சப்-இன்ஸ்பெக்டர் ஜெயக்குமார் மற்றும் போலீசார் சம்பவ இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக வாணியம்பாடி அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.