என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
உடுமலை பகுதியில் மக்காச்சோளம் சாகுபடி - குவிண்டால் ரூ.1900க்கு விற்பனை
Byமாலை மலர்22 Oct 2021 6:43 AM GMT (Updated: 22 Oct 2021 6:43 AM GMT)
கிணற்றுப்பாசனத்தில் சாகுபடி செய்யப்பட்ட மக்காச்சோளம் தற்போது ஒரு சில பகுதிகளில் அறுவடை நடந்து வருகிறது.
உடுமலை:
உடுமலை பகுதிகளில் மக்காச்சோளம் அதிக அளவு சாகுபடி செய்யப்பட்டு வருகிறது. பி.ஏ.பி., நான்காம் மண்டல பாசனம் மற்றும் கிணற்றுப்பாசனத்தில் 40 ஆயிரம் ஏக்கர் வரை சாகுபடி செய்யப்பட்டுள்ளது.
கிணற்றுப்பாசனத்தில் சாகுபடி செய்யப்பட்ட மக்காச்சோளம் தற்போது ஒரு சில பகுதிகளில் அறுவடை நடந்து வருகிறது. உடுமலை ஒழுங்குமுறை விற்பனைக் கூட களங்களுக்கு கொண்டு வந்து விவசாயிகள் காய வைத்து விற்பனை செய்து வருகின்றனர்.
இதுகுறித்து ஒழுங்கு முறை விற்பனைக்கூட அதிகாரிகள் கூறியதாவது:
உடுமலை பகுதிகளில் மக்காச்சோளம் அறுவடை சீசன் நவம்பர் மாதம் முதல் பிப்ரவரி வரை காணப்படும். கிணற்றுப்பாசனத்தில் சாகுபடி செய்த மக்காச்சோளம் தற்போது வரத்து தொடங்கியுள்ளது.
பி.ஏ.பி., 4-ம் மண்டல பாசன நிலங்கள், அமராவதி பாசனத்தில் சாகுபடி செய்யப்பட்ட மக்காச்சோளம் அறுவடை டிசம்பர் மாதத்தில் தொடங்கும். தற்போது கர்நாடக மாநிலத்திலிருந்து 35 சதவீதம் வரை ஈரப்பதம் உள்ள மக்காச்சோளமும் வரத்து காணப்படுகிறது.
கோழித் தீவன உற்பத்திக்காக ஒரு சில நிறுவனங்கள், வியாபாரிகள் கொள்முதல் செய்து வந்து, இங்கு காய வைத்து விற்பனை செய்கின்றனர். கடந்த மாதம் குவிண்டால் ரூ. 2,300 வரை விற்று வந்தது.
தற்போது வெளிமாநிலம் மற்றும் உள்ளூர் வரத்து காரணமாக சற்று குறைந்து ரூ. 1,900 முதல் ரூ.1,950 வரை விற்று வருகிறது. இவ்வாறு அதிகாரிகள் தெரிவித்தனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X