சென்னை:
பயணிகள் பாதுகாப்புக்கு முன்னுரிமை கொடுக்கும் வகையில் தெற்கு ரெயில்வே முறையாக பராமரிப்பு பணிகளை மேற்கொண்டு வருகிறது.
அதன் ஒரு பகுதியாக எழும்பூர்-விழுப்புரம் பிரிவில் மதுராந்தகத்தில் பராமரிப்பு பணிகள் வருகிற 20 மற்றும் 27-ந்தேதியில் நடைபெறுகிறது.
காலை 10.40 மணி முதல் பகல் 2.40 மணி வரை 4 மணி நேரம் பராமரிப்பு பணிகள் மேற்கொள்ள இருப்பதால் பாண்டியன், பல்லவன் எக்ஸ்பிரஸ் ரெயில்கள் சேவையில் மாற்றம் செய்யப்பட்டுள்ளது. இந்த 2 ரெயில்களும் பகுதி ரத்து செய்யப்பட்டுள்ளது.
ரெயில் எண் 02636 மதுரை-எழும்பூர் சூப்பர் பாஸ்ட் எக்ஸ்பிரஸ் ரெயில் 20 மற்றும் 27-ந்தேதியில் மதுரையில் காலை 7 மணிக்கு புறப்பட்டு விழுப்புரம் வந்து சேரும். அங்கிருந்து மாலை 6.10 மணிக்கு புறப்பட்டு மதுரை செல்லும். விழுப்புரம்-எழும்பூர் இடையே சேவை ரத்து செய்யப்பட்டுள்ளது.
இதேபோல எழும்பூரில் இருந்து பிற்பகல் 3.45 மணிக்கு புறப்படும் (எண் 02605) காரைக்குடி பல்லவன் எக்ஸ்பிரஸ் சிறப்பு ரெயில் எழும்பூர்-விழுப்புரம் இடையே ரத்து செய்யப்பட்டுள்ளது. விழுப்புரத்தில் இருந்து மாலை 6.10 மணிக்கு புறப்பட்டு காரைக்குடி செல்லும்.
புதுச்சேரியில் இருந்து காலை 9.50 மணிக்கு புறப்படும் புதுச்சேரி-டெல்லி சிறப்பு ரெயில் விழுப்புரம், காட்பாடி, பெரம்பூர், கூடூர் வழியாக திருப்பி விடப்பட்டுள்ளது.
எழும்பூர் வருவதற்கு பதிலாக பெரம்பூர் வழித்தடத்திற்கு மாற்றப்பட்டு இந்த ரெயில் இயக்கப்படுகிறது.
இதையும் படியுங்கள்...எல்லை தாண்டி வந்ததாக கூறி நாகை மீனவர்கள் 23 பேர் படகுகளுடன் சிறைப்பிடிப்பு
