என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
உடுமலையில் குறை தீர்க்கும் கூட்டம் நடத்தப்படாததால் பிரச்சினைகளுக்கு தீர்வு காண முடியாமல் தவிக்கும் விவசாயிகள்
Byமாலை மலர்13 Oct 2021 4:35 AM GMT (Updated: 13 Oct 2021 4:35 AM GMT)
திருப்பூர் கலெக்டர் அலுவலகத்தில் மாவட்ட அளவிலான விவசாயிகள் குறை தீர்க்கும் கூட்டம் மீண்டும் நடத்தப்பட்டு வருகிறது.
மடத்துக்குளம்:
உடுமலை, மடத்துக்குளம் தாலுகாவில் விவசாயம் பிரதானமாக உள்ளது. பி.ஏ.பி., அமராவதி பாசன திட்டங்கள், வேளாண், தோட்டக்கலை, பட்டு வளர்ச்சித்துறை என பல்வேறு துறைகளின் மானியத்திட்டங்கள், பிரச்சினைகள் குறித்து விவாதித்து தீர்வு காண கோட்ட அளவிலான விவசாயிகள் குறை தீர்க்கும் கூட்டம் நடத்தப்பட்டு வந்தது.
உடுமலை கோட்டாட்சியர் அலுவலகத்தில் மாதம்தோறும் கோட்டாட்சியர் தலைமையில் இந்த கூட்டம் நடத்தப்பட்டு வந்தது.
கூட்டத்தில் வேளாண் சார்ந்த அனைத்துத் துறையினர், பொதுப்பணித்துறை, வருவாய்த்துறை, போலீஸ், ஊரக வளர்ச்சி என துறை அதிகாரிகள் பங்கேற்றதால் பல்வேறு பிரச்சினைகளுக்கு தீர்வு கிடைத்து வந்தது.
இந்நிலையில் சட்டசபை தேர்தல், கொரோனா பரவல் என ஓராண்டுக்கும் மேலாக விவசாயிகள் குறை தீர்க்கும் கூட்டம் நடத்தப்படாமல் உள்ளது. இதனால் முக்கிய சாகுபடி சீசனில் பல்வேறு பிரச்சினைகளுக்கு தீர்வு கிடைக்காமல் விவசாயிகள் கடும் அதிருப்தியில் உள்ளனர்.
தற்போது தொடக்க வேளாண் கூட்டுறவு கடன் சங்கத்தில் கடன் தள்ளுபடி, தரமில்லாத விதைகள், பாசன திட்ட நீர் நிர்வாக குளறுபடிகள், தேங்காய் விலை சரிவு என பல்வேறு முக்கிய பிரச்சினைகளால் இரு தாலுகா விவசாயிகளும் பரிதவித்து வருகின்றனர்.
திருப்பூர் கலெக்டர் அலுவலகத்தில் மாவட்ட அளவிலான விவசாயிகள் குறை தீர்க்கும் கூட்டம் மீண்டும் நடத்தப்பட்டு வருகிறது.
எனவே விவசாயம் பிரதானமாக உள்ள உடுமலை பகுதியில், -மீண்டும் விவசாயிகள் குறை தீர்க்கும் கூட்டத்தை நடத்த மாவட்ட நிர்வாகம் வருவாய்த்துறையினருக்கு உத்தரவிட வேண்டும் என விவசாயிகள் கோரிக்கை விடுத்துள்ளனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X