என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஆணிகளை அடிப்பதால் கருகும் மரங்கள் - இயற்கை ஆர்வலர்கள் வேதனை
Byமாலை மலர்23 Sep 2021 5:43 AM GMT (Updated: 23 Sep 2021 5:43 AM GMT)
தற்போது உடுமலை பகுதியிலுள்ள சாலையோர மரங்களில் ஆணி அடித்து, பல வகையான விளம்பர பலகைகளை பொருத்துவது அதிகரித்துள்ளது.
உடுமலை;
உடுமலை பகுதியில் உள்ள தேசிய, மாநில நெடுஞ்சாலை, மாவட்ட முக்கிய சாலைகள் மற்றும் கிராமப்புற இணைப்பு சாலைகளில் ஆயிரக்கணக்கான மரங்கள் உள்ளன. நெடுஞ்சாலைத்துறை, உள்ளாட்சி மற்றும் தன்னார்வ அமைப்புகள் வாயிலாகவும், மரங்கள் நடப்பட்டு, பராமரிக்கப்படுகின்றன.
சில பகுதிகளில் இயற்கையாகவே பல வகை மரங்கள் செழித்து வளர்ந்துள்ளன. ஆனால் சுயநலத்துக்காக சாலையோர மரங்கள் அழிக்கப்படுவது அதிகரித்துள்ளது. நேரடியாகவும், மறைமுகமாகவும், மரங்களை கருகச்செய்கின்றனர். அதற்கு மாற்றாக மரக்கன்றுகளும் நடவு செய்வதில்லை.
தற்போது உடுமலை பகுதியிலுள்ள சாலையோர மரங்களில் ஆணி அடித்து, பல வகையான விளம்பர பலகைகளை பொருத்துவது அதிகரித்துள்ளது.
பசுமையான மரங்களின் தண்டு பகுதிகளில் ஆணி அடிப்பது அவற்றின் வளர்ச்சியை பாதிப்பதுடன் மரங்கள் கருகும் அபாயமும் உள்ளது. இத்தகைய விதிமீறலால் உடுமலை பகுதியில் மட்டும் ஆயிரக்கணக்கான மரங்கள் பாதிக்கப்பட்டு பரிதாப நிலைக்கு மாறி வருகின்றன.
பசுமைக்கும், இயற்கை சூழலுக்கும் உதவும், மரங்களை பாதுகாக்க திருப்பூர் மாவட்ட நிர்வாகம் உரிய நடவடிக்கை எடுக்க வேண்டும்.
’மரங்களிலுள்ள ஆணிகளை அகற்றவும், விதிமீறல்களில் ஈடுபடும் நிறுவனங்கள் மீது நடவடிக்கை எடுக்கவும், நெடுஞ்சாலைத்துறை, உள்ளாட்சி அமைப்புகளுக்கு மாவட்ட நிர்வாகம் உத்தரவிட்டால் ஆயிரக்கணக்கான மரங்களை பாதுகாக்க முடியும் என இயற்கை ஆர்வலர்கள் தெரிவிக்கின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X