என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
தமிழகத்தில் 3 மாதத்தில் போலீஸ் ஆணையம் -உயர் நீதிமன்ற மதுரை கிளை உத்தரவு
Byமாலை மலர்10 Sep 2021 10:47 AM GMT (Updated: 10 Sep 2021 10:47 AM GMT)
இனி வரும் காலங்களில் போலீசாருக்கு 8 மணி நேர வேலை, 3 ஷிப்ட் அடிப்படையில் பணி வழங்க வேண்டும் என்று நீதிபதிகள் வலியுறுத்தினர்.
மதுரை:
கரூரைச் சேர்ந்த ஓய்வு பெற்ற தலைமை காவலர் மாசிலாமணி என்பவர் உயர் நீதிமன்ற மதுரை கிளையில் பொதுநல வழக்கு தொடர்ந்திருந்தார். அவர் தனது மனுவில், தமிழக காவல்துறையில் போலீசாரின் எண்ணிக்கையை உயர்த்தவும், காலி பணியிடங்களை நிரப்பவும், காவலர்களின் ஊதியத்தை உயர்த்தவும் அரசுக்கு உத்தரவிடவேண்டும் என கூறியிருந்தார். இந்த வழக்கை நீதிபதிகள் கிருபாகரன், புகழேந்தி ஆகியோர் கொண்ட அமர்வு விசாரித்தது. வழக்கின் வாதப்பிரதிவாதங்கள் முடிவடைந்த நிலையில் தீர்ப்பு ஒத்திவைக்கப்பட்டிருந்தது.
இந்த வழக்கில் இன்று நீதிபதிகள் தீர்ப்பு வழங்கினர். அப்போது, போலீசாரின் குறைகளை கேட்கவும் அவற்றை நிவர்த்தி செய்யவும் ஓயவு பெற்ற உயர் நீதிமன்ற நீதிபதி தலைமையில் மனநல மருத்துவர்கள், உளவியலாளகள், சமூக ஆர்வலர்கள், வழக்கறிஞர்கள், ஓய்வு பெற்ற காவல் அதிகாரிகள், பணியில் உள்ள காவல் அதிகாரிகள் ஆகியோரைக் கொண்ட போலீஸ் ஆணையத்தை 3 மாதத்தில் அமைக்க வேண்டும் என நீதிபதிகள் உத்தரவிட்டனர்.
அரசு ஊழியர்களுக்கு வாரத்தில் 2 நாட்கள் விடுமுறை உள்ளது, ஆனால் போலீசார் 24 மணி நேரம் வேலை பார்க்கிறார்கள். சில சமயங்களில் அவர்கள் கோபமாக பணிபுரிய அதுவே காரணம். மன உளைச்சலில் காவலர்கள் தற்கொலை செய்கின்றனர். உடல்நலக்குறைவாலும் பலர் உயிரிழந்துள்ளனர். எனவே, இனி வரும் காலங்களில் போலீசாருக்கு 8 மணி நேர வேலை, 3 ஷிப்ட் அடிப்படையில் பணி வழங்க வேண்டும் என்றும் நீதிபதிகள் வலியுறுத்தினர்.
காவலர்கள் பணியில் இருக்கும்போது அவர்களின் குடும்பங்களுக்கு 15 லட்சம் ரூபாயும், காவலர்கள் முழுமையாக ஊனமடைந்தால் 8 லட்சம் ரூபாயும் வழங்கப்படுகிறது. அதனை உயர்த்தி வழங்க வேண்டும். பணியில் இருக்கும்போது காவலர்கள் உயிரிழந்தால் ரூ.25 லட்சம், ஊனமடைந்தால் ரூ.15 லட்சம் வழங்க வேண்டும் என நீதிபதிகள் உத்தரவிட்டனர்.
இதையும் படியுங்கள்... காபூலில் உள்ள நார்வே தூதரகத்தைக் கைப்பற்றிய பின்னர் தலிபான் செய்த அட்டூழியம்
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X