கணக்கன்பட்டி அருகே விபத்தில் தொழிலாளி பலி

பழனியை அடுத்த கணக்கன்பட்டியை சேர்ந்தவர் பழனிசாமி (வயது 55). கூலித்தொழிலாளி. இவர் நேற்று முன்தினம் இரவு கணக்கன்பட்டி பஸ்நிறுத்த பகுதியில் திண்டுக்கல்-பழனி சாலையை கடக்க முயன்றார். அப்போது அவ்வழியே வந்த மோட்டார் சைக்கிள் அவர் மீது மோதியது. இதில் பலத்த காயம் அடைந்த அவரை அக்கம்பக்கத்தினர் மீட்டு சிகிச்சைக்காக பழனி அரசு மருத்துவமனையில் சேர்த்தனர். பின்னர் அவர் மேல்சிகிச்சைக்காக மதுரை அரசு மருத்துவமனைக்கு கொண்டு செல்லப்பட்டார். ஆனால் அங்கு சிகிச்சை பலனின்றி நேற்று அவர் பரிதாபமாக இறந்தார். இதுகுறித்து ஆயக்குடி போலீசார் வழக்குப்பதிந்து விசாரித்து வருகின்றனர்.