ஓ.பன்னீர்செல்வம் உள்பட 63 எம்.எல்.ஏ.க்கள் மீது 3 சட்டப்பிரிவில் வழக்கு

சென்னை:

தமிழக சட்டசபையில் ஜெயலலிதா பல்கலைக்கழகத்தை நீக்கும் சட்ட மசோதா நேற்று நிறைவேற்றப்பட்டது. இதற்கு எதிர்ப்பு தெரிவித்து எதிர்க்கட்சி துணைத்தலைவர் ஓ.பன்னீர்செல்வம் தலைமையில் 63 அ.தி.மு.க.எம்.எல்.ஏ.க்கள். வெளிநடப்பு செய்தனர்.

பின்னர் சட்டசபை கூட்டம் நடைபெறும் கலைவாணர் அரங்கம் அருகில் திடீரென ஓ.பன்னீர் செல்வமும், அ.தி.மு.க. எம்.எல்.ஏ.க்களும் சாலை மறியலில் ஈடுபட்டனர்.
இந்த மறியல் காரணமாக போக்குவரத்து பாதிக்கப்பட்டது. பின்னர் அனைவரையும் கைது செய்த போலீசார் மாலையில் விடுவித்தனர்.