குளித்தலை-நொய்யல் பகுதிகளில் மது விற்ற பெண் உள்பட 3 பேர் கைது

குளித்தலை:

குளித்தலை அருகே உள்ள கோட்டைமேடு பகுதியில் மது பாட்டில்கள் பதுக்கி வைத்து விற்கப்படுவதாக குளித்தலை போலீசாருக்கு தகவல் கிடைத்துள்ளது. அதன் பேரில் அங்கு சென்ற போலீசார் தனது தோட்டத்தில் மதுபாட்டில்களை பதுக்கி வைத்து விற்பனை செய்த அதே பகுதியை சேர்ந்த சிவானந்தம் (வயது 53) என்பவரை கைது செய்தனர். மேலும் அவரிடம் இருந்த 10 மது பாட்டில்களை பறிமுதல் செய்து விசாரணை நடத்தி வருகின்றனர்.

நொய்யல் அருகே புங்கோடை பகுதியில் போலீஸ் சப்- இன்ஸ்பெக்டர் செந்தில்குமார் தலைமையிலான போலீசார் ரோந்து பணியில் ஈடுபட்டனர். அப்போது அந்த பகுதியில் திருட்டுத்தனமாக மது விற்றுக்கொண்டிருந்த புங்கோடை பகுதியை சேர்ந்த ஜெயந்தி (40), அதே பகுதியை சேர்ந்த மோகன்ராஜ் (38) ஆகிய 2 பேரையும் போலீசார் கைது செய்தனர். அவர்கள் விற்பனைக்காக வைத்திருந்த 8 மதுபாட்டில்கள் பறிமுதல் செய்யப்பட்டன.