பெரியமேடு எஸ்பிஐ வங்கி ஏ.டி.எம். மையத்தில் ரூ.16 லட்சத்தை திருடிய கொள்ளையர்கள்

சென்னை:

பெரியமேடு எஸ்.பி.ஐ. வங்கிக்கு வெளியே உள்ள அறையில் இரண்டு ஏ.டி.எம். உள்ளது. அதில் பணம் செலுத்தக்கூடிய எந்திரத்தில் கடந்த 18-ந்தேதி காலை 11 மணியளவில் ரூ.15 லட்சத்து 71 ஆயிரத்து 300 பணம் இருப்பதாக தெரியவந்தது.

அந்த பணத்தை எடுப்பதற்காக வங்கி அதிகாரிகள் ஏ.டி.எம்.-ஐ திறந்து பார்க்கும்போது மேற்கண்ட தொகை அதில் இல்லை.

உடனே சி.சி.டி.வி. பதிவு காட்சிகளை சோதனை செய்து பார்த்தனர். அப்போது 2 பேர் கடந்த 15-ந்தேதி முதல் 17-ந்தேதி வரை 2 நாட்கள் ஏ.டி.எம். கார்டை பயன்படுத்தி ரூ. 10 ஆயிரம் வீதம் 190 முறை ரூ. 15 லட்சத்து 71 ஆயிரத்து 300 பணம் எடுத்து இருப்பது தெரியவந்தது.

இதுபற்றி பெரியமேடு காவல் நிலையத்தில் கடந்த 22-ந் தேதியே புகார் அளிக்கப்பட்டது. இந்த வழக்கு விசாரணை மத்திய குற்றப்பிரிவுக்கு மாற்றப்பட்டது.