என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
திருமணமாகாத ஏக்கத்தில் விபரீத முடிவு - ஊராட்சி மன்ற அலுவலக வளாகத்தில் டிரைவர் தூக்குப்போட்டு தற்கொலை
Byமாலை மலர்20 Jun 2021 11:34 AM GMT (Updated: 20 Jun 2021 11:34 AM GMT)
பொன்னேரி அடுத்த தடபெரும்பாக்கம் ஊராட்சி மன்ற அலுவலகத்தில் திருமண ஏக்கம் காரணமாக டிரைவர் ஒருவர் தூக்குப் போட்டு தற்கொலை செய்து கொண்டார்.
பொன்னேரி:
பொன்னேரி அருகே தடபெரும்பக்கம் ராஜா தெருவில் வசிப்பவர் முருகன் (வயது 26). டிரைவராக வேலை செய்து வந்த இவர், திருமணம் செய்து கொள்ளும் ஏக்கத்தில் இருந்து வந்ததாக கூறப்படுகிறது. இந்த நிலையில், இவர் தனது தாயிடம் திருமணம் செய்து வைக்கக்கூறி தகராறு செய்து வந்ததாக தெரிகிறது.
இந்நிலையில் சம்பவத்தன்று மது அருந்திவிட்டு வீட்டிற்கு சென்ற முருகன் தாயிடம் வழக்கம் போல் தகராறு செய்துள்ளார். பின்னர், மன உளைச்சலுக்கு ஆளாகி வீட்டில் இருந்த புடவையை எடுத்து கொண்டு வெளியே சென்றார்.
அதைத்தொடர்ந்து, ஊராட்சி மன்ற அலுவலகத்தின் பின்புறம் உள்ள குழாயில் புடவையால் தூக்குப்போட்டு தற்கொலை செய்து கொண்டு பிணமாக கிடந்தார். மகனைத் தேடி சென்ற அவரது தாய் ஊராட்சி மன்ற அலுவலக வளாகத்தில் தனது மகன் தூக்கில் பிணமாக தொங்கி கொண்டு இருந்ததை கண்டு அதிர்ச்சியடைந்து கதறி அழுது புலம்பினார்.
இதையறிந்த பொன்னேரி போலீசார் சம்பவ இடத்திற்கு வந்து டிரைவர் முருகனின் உடலை கைப்பற்றி பிரேத பரிசோதனைக்காக பொன்னேரி அரசு ஆஸ்பத்திரிக்கு அனுப்பி வைத்தனர். பின்னர் இதுகுறித்து போலீசார் வழக்குப்பதிவு செய்து விசாரித்து வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X