என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
டிராக்டர் ஏற்றி தக்காளி பழங்களை அழிக்கும் விவசாயிகள்
Byமாலை மலர்28 May 2021 6:38 AM GMT (Updated: 28 May 2021 6:38 AM GMT)
உடுமலை பகுதியில் தக்காளி சாகுபடியில் போதிய விலை இல்லாததால் டிராக்டர் மூலம் அழிக்கும் அவலம் அரங்கேறி வருகிறது.
உடுமலை:
திருப்பூர் மாவட்டம் உடுமலை சுற்று வட்டாரபகுதியில் தக்காளி சாகுபடியில் விவசாயிகள் அதிகளவில் ஈடுபட்டனர். ஆனால் தக்காளிக்கு போதிய விலை கிடைக்காததால் தொடர்ச்சியாக நஷ்டத்தை சந்தித்து வரும் விவசாயிகளின் வாழ்வாதாரம் கடுமையாகப் பாதிக்கப்பட்டுள்ளது.
இதனால் விவசாயிகளே டிராக்டர் மூலம் தக்காளி பழங்களை அழிக்கும் அவல நிலை ஏற்பட்டுள்ளது.
இது குறித்து விவசாயிகள் கூறியதாவது:-
ஒரு ஏக்கரில் தக்காளி சாகுபடி செய்வதற்கு ரூ.40 ஆயிரம் வரை செலவு பிடிக்கிறது. ஒரு ஏக்கரில் 10 டன்னுக்கு மேல் மகசூல் எடுக்க முடியும் என்பதால் லாபகரமான பயிராகவே இருந்துள்ளது. ஆனால் சமீப காலங்களாக சுமார் 14 கிலோ எடை கொண்ட ஒரு பெட்டி தக்காளி ரூ.20 முதல் ரூ.50 வரையிலே விற்பனையாகிறது.
முழு ஊரடங்கு காலத்தில் வெளியூர்களுக்குத் தக்காளி கொண்டு செல்வதும் தடைபட்டுள்ளது. கடந்த ஞாயிற்றுக்கிழமை முழு ஊரடங்கில் தளர்வு அறிவிக்கப்பட்ட போது மட்டும் ஒரு பெட்டி தக்காளியை ரூ.150 கொடுத்து வியாபாரிகள் விளை நிலத்துக்கே தேடி வந்து வாங்கி சென்றார்கள்.
ஆனால் எங்கள் கண் முன்னேயே அந்த தக்காளியை சில்லறை விற்பனையில் ஒரு கிலோ ரூ.80 என்று பொதுமக்களிடம் விற்பனை செய்யும் கொடுமையும் நடந்தது. இப்படி பெரும்பாலும் இடைத்தரகர்களும் வியாபாரிகளும் மட்டுமே சம்பாதித்து வருகிறார்கள்.
விவசாயிகளுக்கு போட்ட முதலைக் கூட எடுக்க முடியாத நிலை உள்ளது. இதனால் சாகுபடி செய்துள்ள தக்காளியை முழுமையாக அழித்து விட்டு வேறு பயிர் சாகுபடி செய்யலாம் என்ற நோக்கத்தில் டிராக்டர் மூலம் அழித்து கொண்டிருக்கிறோம் என்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X