முதல்வர் பொது நிவாரண நிதிக்கு விஜய் வசந்த் எம்.பி. ரூ.25 லட்சம் நிதியுதவி

கொரோனா வைரஸ் தொற்றை எதிர்த்து போராட தாராளமாக நிதி வழங்கலாம் என தமிழக முதலமைச்சர் மு.க. ஸ்டாலின் கேட்டுக்கொண்டிருந்தார். அதன்படி சாதாரண குடிமகன்கள், சினிமா பிரபலங்கள், தொழில் நிறுவன தொழில் அதிபர்கள், கல்வி நிறுவன உரிமையாளர்கள், எம்.பி.க்கள், எம்எல்ஏ-க்கள், கட்சிகள் முதல்வர் பொது நிவாரண நிதிக்கு நிதியுதவி அளித்து வருகிறார்கள்.

அந்த வகையில் மக்களவை எம்.பி. விஜய் வசந்த் ரூ. 25 லட்சம் நிதியுதவி வழங்கியுள்ளார். தமிழக சட்டசபை தேர்தலுடன் கன்னியாகுமரி மக்களவை தொகுதிக்கு இடைத்தேர்தல் நடைபெற்றது. இதில் போட்டியிட்ட விஜய் வசந்த் பா.ஜனதா வேட்பாளர் பொன் ராதாகிருஷ்ணனை தோற்கடித்து எம்.பி.யானார்.