பொள்ளாச்சியில் புதிதாக 51 பேருக்கு கொரோனா

பொள்ளாச்சி:

பொள்ளாச்சியில் நேற்று புதிதாக 51 பேருக்கு கொரோனா கண்டறியப்பட்டுள்ளது. பொள்ளாச்சியில் நாளுக்கு நாள் பொதுமக்களின் அலட்சியத்தால் கொரோனா பாதிப்பு அதிகரித்து கொண்டேவருகிறது. நேற்று பொள்ளாச்சி நகரப்பகுதியில் 19 பேருக்கும், தெற்கு ஒன்றியப்பகுதியில் 13 பேருக்கும், வடக்கு ஒன்றியப்பகுதியில் 8 பேருக்கும், கிணத்துக்கடவு பகுதியில் 9 பேருக்கும், ஆனைமலை தாலூகா பகுதியில் 2 பேருக்கும் என ஒரே நாளில் 51 பேருக்கு கொரோனா தொற்று கண்டறியப்பட்டுள்ளது. 

பொதுமக்கள் அலட்சியமே கொரோனா தொற்று பரவல் காரணமாக இருக்கிறது. வங்கிகள், கடைகள், கோவில்கள் என பொது இடங்களில் சமூக இடைவெளியை கடைபிடிக்காமலும், முகக்கவங்கள் அணியாமலும் இருந்து வருகின்றனர்.