என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஓட்டேரியில் வாலிபர் வெட்டிக்கொலை- கும்பலுக்கு போலீஸ் வலைவீச்சு
Byமாலை மலர்3 April 2021 6:54 PM GMT (Updated: 3 April 2021 6:54 PM GMT)
ஓட்டேரியில் வாலிபர் வெட்டிக்கொலை செய்யப்பட்டார். இதுதொடர்பாக 5 பேர் கொண்ட கும்பலை போலீசார் தேடி வருகின்றனர்.
திரு.வி.க. நகர்:
சென்னை ஓட்டேரி, பாஷ்யம் 3-வது தெருவில் நேற்று இரவு 7 மணியளவில் வாலிபர் ஒருவரை 5 பேர் கொண்ட கும்பல் சரமாரியாக வெட்டியது. இதில் தலையில் பலத்த காயம் அடைந்த வாலிபர் சம்பவ இடத்திலேயே பரிதாபமாக உயிரிழந்தார்.
இதுகுறித்து தகவலறிந்த ஓட்டேரி மற்றும் தலைமைச்செயலக காலனி போலீசார் சம்பவ இடத்துக்கு விரைந்து சென்று கொலையான வாலிபரின் உடலை மீட்டு பிரேத பரிசோதனைக்காக கீழ்ப்பாக்கம் அரசு ஆஸ்பத்திரிக்கு அனுப்பி வைத்தனர்.
மேலும் இதுகுறித்து போலீசார் வழக்குப்பதிவு செய்து விசாரணை நடத்தினர். அதில் கொலையான வாலிபர், ஓட்டேரி வீட்டுவசதி வாரிய குடியிருப்பு பகுதியில் வசித்து வந்த மதன் (வயது 30) என்பது தெரியவந்தது. மதன் ஆட்டோ ஓட்டி வந்தார். மேலும் காய்கறி விற்பனையும் செய்து வந்துள்ளார். இவருக்கு விஜி என்ற மனைவியும், கண்ணா என்ற மகனும் உள்ளனர்.
மேலும் மதன் மீது ஏற்கனவே தலைமை செயலக காலனி போலீசில் 1 கொலை வழக்கு உள்ளிட்ட 5 வழக்குகள் இருப்பதும் தெரியவந்தது. மதனை கொலை செய்த 5 பேர் கொண்ட கும்பல் யார்? எதற்காக மதன் கொலை செய்யப்பட்டார்? என்பது குறித்து ஓட்டேரி போலீசார் வழக்குப்பதிவு செய்து விசாரித்து வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X