என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
திருவையாறு அருகே வீட்டின் கதவை உடைத்து 10 பவுன் நகைகள் திருட்டு
Byமாலை மலர்15 March 2021 1:17 AM GMT (Updated: 15 March 2021 1:17 AM GMT)
திருவையாறு அருகே வீட்டின் கதவை உடைத்து 10 பவுன் நகைகளை திருடி சென்ற மர்மநபர்களை போலீசார் வலைவீசி தேடிவருகின்றனர்.
திருவையாறு:
தஞ்சை மாவட்டம் திருவையாறை அடுத்த நாகத்தி பொந்தையன் மேட்டுத்தெருவை சேர்ந்தவர் சபாபதி மகன் நடராஜன் (52). இவரது மனைவி சிவகாமி (42). இவர்களது மகள் சுவாதி (14). இந்தநிலையில் நேற்றுமுன்தினம் இரவு கணவனும், மனைவி்யும் கதவை சாத்திவிட்டு வீட்டின் மாடியில் தூங்கினர்.
சுவாதி வீட்டின் ஒரு அறையில் தூங்கினார். காலையில் எழுந்து பார்த்த போது வீட்டின் கொல்லைப்புற கதவு உடைக்கப்பட்டதை பார்த்து நடராஜன் குடும்பத்தினர் அதிர்ச்சி அடைந்தனர். பின்னர் வீட்டின் உள்ளே சென்று பார்த்த போது பீரோ உடைக்கப்பட்டு அதில் இருந்த 10 பவுன் நகைகளை மர்மநபர்கள் திருடி சென்றது தெரியவந்தது.
இதுகுறித்து நடுக்காவேரி போலீசில் நடராஜன் புகார் தெரிவித்தார். அதன்பேரில் . திருவையாறு துணை போலீஸ் சூப்பிரண்டு சித்திரவேல், நடுக்காவேரி சப்-இன்ஸ்பெக்டர் கேசவமூர்த்தி மற்றும் போலீசார் சம்பவ இடத்திற்கு வந்து பார்வையிட்டு விசாரணை நடத்தினர். மேலும் தஞ்சையிலிருந்து மோப்பநாய் டபி வரவழைக்கப்பட்டது. அது சிறிது தூரம் ஓடியது. ஆனால் யாரையும் கவ்விபிடிக்கவில்லை. தஞ்சையிலிருந்து கைரேகை நிபுணர் அமலா வந்து தடயங்களை சேகரித்தார். இதுகுறித்து நடுக்காவேரி போலீசார் விசாரணை நடத்திவருகின்றனர். மேலும் மர்மநபர்களை போலீசார் வலைவீசி தேடிவருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X