என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பரமத்திவேலூர் அருகே மின்சாரம் தாக்கி கல்லூரி மாணவி பலி
Byமாலை மலர்16 Feb 2021 1:36 PM GMT (Updated: 16 Feb 2021 1:36 PM GMT)
பரமத்திவேலூர் அருகே கல்லூரி மாணவி மின்சாரம் தாக்கி பலியான சம்பவம் குறித்து பரமத்தி வேலூர் போலீசார் வழக்குப்பதிவு செய்து விசாரணை நடத்தி வருகின்றனர்.
பரமத்திவேலூர்:
பரமத்திவேலூர் அருகே உள்ள நன்செய் இடையாறு, தெற்கு தெருவைச் சேர்ந்தவர் ராஜகோபால். இவருடைய மகள் இளமதி (வயது 20). இவர் பரமத்திவேலூரில் உள்ள ஒரு தனியார் கல்லூரியில் பி.ஏ. வரலாறு இளங்கலை இறுதி ஆண்டு படித்து வந்தார்.
நேற்று காலை இளமதி தனது தாயாா் அஞ்சலைதேவியுடன் அமர்ந்து சாப்பிட்டார். பின்னர் வெளியே சென்று செல்போனில் பேசிக்கொண்டிருந்தார்.
இதனிடையே செல்போனில் சார்ஜ் குறைந்ததால், வீட்டிற்குள் உள்ள சுவிட்ச் பாக்சில் செல்போனை சார்ஜ் போட்டுள்ளார். அப்போது எதிர்பாராதவிதமாக மின்சாரம் தாக்கி இளமதி தூக்கி வீசப்பட்டு கீழே விழுந்தார்.
இதை பார்த்த அவரது பெற்றோர் மற்றும் அருகில் இருந்தவர்கள் இளமதியை காப்பாற்றி ஆம்புலன்ஸ் மூலம் பரமத்திவேலூர் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்கள் அவர் ஏற்கனவே இறந்துவிட்டதாக தெரிவித்தனர்.
கல்லூரி மாணவி மின்சாரம் தாக்கி உயிரிழந்த சம்பவம் குறித்து பரமத்தி வேலூர் போலீசார் வழக்குப்பதிவு செய்து விசாரணை நடத்தி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X