என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
தென்காசியில் பள்ளிக்கூடங்களில் மண்டல பார்வையாளர் ஆய்வு
Byமாலை மலர்21 Jan 2021 10:14 AM GMT (Updated: 21 Jan 2021 10:14 AM GMT)
தென்காசி மாவட்டத்தில் உள்ள பள்ளிக்கூடங்களில் மண்டல பார்வையாளர் ராஜேந்திரன் ஆய்வு நடத்தினார்.
தென்காசி:
கொரோனா தடுப்பு நடவடிக்கையாக, கடந்த 10 மாதங்களுக்கு மேலாக பள்ளிக்கூடங்கள் மூடப்பட்டு இருந்தன. இந்த நிலையில் தமிழகத்தில் எஸ்.எஸ்.எல்.சி., பிளஸ்-2 மாணவர்களுக்கு மட்டும் நேற்று முன்தினம் வகுப்புகள் தொடங்கப்பட்டன. இதையடுத்து பள்ளிக்கூடங்களில் கொரோனா தடுப்பு நடவடிக்கைகள் முறையாக பின்பற்றப்படுகிறதா? என்பதை கண்காணிப்பதற்காக மண்டல பார்வையாளர்கள் நியமிக்கப்பட்டு உள்ளனர்.
நெல்லை, தென்காசி, தூத்துக்குடி, கன்னியாகுமரி ஆகிய மாவட்டங்களுக்கு மண்டல பார்வையாளராக பள்ளிக்கல்வித்துறை இணை இயக்குனர் ராஜேந்திரன் நியமிக்கப்பட்டு உள்ளார். அவர் நேற்று தென்காசி மாவட்டத்தில் உள்ள அரசு மற்றும் அரசு உதவிபெறும் பள்ளிகளில் ஆய்வு மேற்கொண்டார்.
பள்ளிக்கூடங்களுக்கு வரும் மாணவ-மாணவிகள் முக கவசம் அணிந்து வருகிறார்களா?, பள்ளிக்கூட நுழைவாயிலில் கைகழுவும் திரவம் வழங்கப்படுகிறதா?, சமூக இடைவெளியுடன் வகுப்பறைகளில் அமர வைக்கப்படுகிறார்களா? என்பதை ஆய்வு செய்தார். ஆலங்குளம், பாவூர்சத்திரம், தென்காசி, இடைகால், கடையநல்லூர் ஆகிய பகுதிகளில் உள்ள பள்ளிகளிலும் சென்று கொரோனா தடுப்பு நடவடிக்கைகள் பின்பற்றப்படுகிறதா? என்பதை பார்வையிட்டு ஆய்வு நடத்தினார்.
தென்காசி மாவட்ட முதன்மை கல்வி அலுவலர் கருப்பசாமி, மாவட்ட கல்வி அலுவலர்கள் ஜெயபிரகாஷ் ராஜன், சிதம்பரநாதன் மற்றும் அதிகாரிகள் உடன் இருந்தனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X