சென்னை:
தமிழகம், புதுச்சேரி சட்டசபை பொதுத்தேர்தல் விரைவில் நடைபெற இருப்பதையொட்டி அ.தி.மு.க.வில் கட்சி பணிகளை ஒருங்கிணைக்க மண்டல பொறுப்பாளர்கள் ஏற்கனவே நியமிக்கப்பட்டு இருந்தனர்.
இதில் அமைச்சர் ஆர்.பி. உதயகுமாருக்கு மதுரை புறநகர் மேற்கு, தேனி, ராமநாதபுரம், திருநெல்வேலி, தென்காசி வடக்கு, தெற்கு ஆகிய மாவட்டங்கள் ஏற்கனவே ஒதுக்கப்பட்டு இருந்தது.
தற்போது இதில் தென்காசி வடக்கு மாவட்டம் செய்தித்துறை அமைச்சர் கடம்பூர் ராஜூ வசம் ஒதுக்கப்பட்டு உள்ளது.
அமைச்சர் கடம்பூர் ராஜூ தென்காசி வடக்கு மாவட்டத்தில் கடையநல்லூர், சங்கரன்கோவில், வாசுதேவநல்லூர் ஆகிய சட்டமன்ற தொகுதிகளை மேற்பார்வையிடுவார்.
அமைச்சர் ஆர்.பி.உதயகுமார் மதுரை புறநகர் மேற்கு, தேனி, ராமநாதபுரம், திருநெல்வேலி, தென்காசி தெற்கு ஆகிய மாவட்டங்களை கவனிப்பார்.
இதற்கான அறிவிப்பை கட்சி ஒருங்கிணைப்பாளர் துணை முதல்-அமைச்சர் ஓ.பன்னீர்செல்வம், இணை ஒருங்கிணைப்பாளர் முதல்- அமைச்சர் எடப்பாடி பழனிசாமி ஆகியோர் வெளியிட்டுள்ளனர்.
