21ம் தேதி தமிழகம் வருகிறார் அமித் ஷா- கட்சி நிர்வாகிகளுடன் ஆலோசனை

சென்னை:

மத்திய உள்துறை மந்திரி அமித் ஷா வரும் 21ம் தேதி தமிழகம் வருகிறார். சென்னை வரும் அவர் சட்டசபை தேர்தல் மற்றும் கூட்டணி குறித்து கட்சி நிர்வாகிகளுடன் ஆலோசனை நடத்துவார் என எதிர்பார்க்கப்படுகிறது. 

அனுமதியின்றி தமிழக பாஜக சார்பில் வேல் யாத்திரை நடைபெற்று வரும் நிலையில், அமித் ஷாவின் இந்த பயணம் முக்கியத்துவம் வாய்ந்ததாக கருதப்படுகிறது. அமித் ஷா வருகை பாஜகவினரிடையே உற்சாகத்தை ஏற்படுத்தி உள்ளது.

தமிழக பாஜக சார்பில் திருத்தணியில் இருந்து திருச்செந்தூர் வரை வெற்றி வேல் யாத்திரை நடத்த முடிவு செய்யப்பட்டது. இதற்கு தமிழக அரசு அனுமதி அளிக்கவில்லை. ஆனால் தடையை மீறி பாஜக மாநில தலைவர் எல்.முருகன் தலைமையில் வேல் யாத்திரை நடைபெற்று வருவது குறிப்பிடத்தக்கது.