மதுரை எய்ம்ஸ் மருத்துவமனை பணிகள் எந்த டிசம்பரில் தொடங்கும்? - ஸ்டாலின் கேள்வி

மதுரை:

மதுரை மேலூரில் திமுக சார்பில் தமிழகத்தை மீட்போம் கூட்டம் நடைபெற்றது. இதில் திமுக தலைவர் மு.க.ஸ்டாலின் காணொலி வாயிலாக கலந்து கொண்டு உரையாற்றினார். 

அப்போது தோப்பூர் எய்ம்ஸ் மருத்துவமனைக்கான பணிகள் எந்த டிசம்பரில் தொடங்கும்? என கேள்வி எழுப்பிய ஸ்டாலின், மக்களைப் பற்றி மத்திய, மாநில அரசுகளுக்கு எந்த அக்கறையும் இல்லை என்பதற்கு எய்ம்ஸே உதாரணம் என சாடினார்.

மேலும், மதுரையில் எய்ம்ஸ் அமைக்க படம் எடுத்தார்களே தவிர இன்னும் கட்டுமானப் பணியை தொடங்கவில்லை எனக்கூறிய ஸ்டாலின், வருமானவரித்துறை, வருவாய் புலனாய்வு பிரிவு, உள்துறை என்ன செய்து வருகிறது? என வினவினார். மதுரையில் பல திட்டங்களை செயல்படுத்தியது திமுக தான்.

சிட்னி, ரோம் நகர் போன்று மதுரையை செல்லூர் ராஜுவும், ஆர்.பி.உதயகுமாரும் மாற்ற வேண்டாம், அதனை மேலும் கெடுக்காமல் இருந்தால் போதும் என ஸ்டாலின் கூறினார்.