ராஜா கிருஷ்ணமூர்த்திக்கு ஓ.பன்னீர்செல்வம் வாழ்த்து

சென்னை:

இந்திய வம்சாவளியை சேர்ந்த தமிழரான ராஜா கிருஷ்ணமூர்த்தி அமெரிக்க பிரதிநிதிகள் சபைக்கு 3-வது முறையாக தொடர்ச்சியாக தேர்வு செய்யப்பட்டுள்ளார். இதற்கு தமிழக துணை முதல்-அமைச்சர் ஓ.பன்னீர்செல்வம் வாழ்த்து தெரிவித்துள்ளார்.

இதுதொடர்பாக ஓ.பன்னீர்செல்வம் தனது டுவிட்டர் பதிவில், “அமெரிக்க பிரதிநிதிகள் சபைக்கு 3-வது முறையாக தொடர்ச்சியாக தேர்வு செய்யப்பட்டுள்ள இந்திய வம்சாவளியான ராஜா கிருஷ்ணமூர்த்திக்கு இதயங்கனிந்த வாழ்த்துகளை தெரிவித்துக்கொள்கிறேன். அவருடைய பெற்றோர் நம்முடைய மாநிலத்தை சேர்ந்தவர்கள் என்பதால், இது உண்மையிலேயே தமிழ்நாட்டுக்கு கிடைத்த பெருமை” என்று கூறியுள்ளார்.