முககவசம் அணியாத 267 பேர் மீது வழக்கு

நாமக்கல்:

நாமக்கல் மாவட்டத்தில் கொரோனா வைரஸ் பரவலை தடுக்க முககவசம் அணியாமல் சுற்றித்திரியும் நபர்கள் மற்றும் பொது இடங்களில் எச்சில் துப்பும் நபர்கள் மீது போலீசார் வழக்குப்பதிவு செய்து வருகின்றனர். அந்தவகையில் நேற்று முககவசம் அணியாமல் வெளியில் சுற்றித் திரிந்த 267 பேர் மீது வழக்குப்பதிவு செய்யப்பட்டது. அவர்களிடமிருந்து ரூ.53 ஆயிரத்து 400 அபராதமாக வசூலிக்கப்பட்டது. இதேபோல் பொது இடங்களில் எச்சில் துப்பிய 6 பேர் மீது வழக்குப் பதிவு செய்யப்பட்டு ரூ.3 ஆயிரம் அபராதம் வசூலிக்கப்பட்டது.