என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஆயுதபூஜையை முன்னிட்டு நாமக்கல்லில் பூக்கள் விலை கடும் உயர்வு
Byமாலை மலர்24 Oct 2020 2:48 PM GMT (Updated: 24 Oct 2020 2:48 PM GMT)
ஆயுதபூஜையை முன்னிட்டு நாமக்கல்லில் பூக்களின் விலை கடுமையாக உயர்ந்துள்ளது.
நாமக்கல்:
நாமக்கல் நகரில் உள்ள லாரி பட்டறைகள் மற்றும் தொழில் நிறுவனங்களில் ஆயுதபூஜை வெகு விமரிசையாக கொண்டாடப்படும். அதையொட்டி லாரி பட்டறைகள் மற்றும் தொழில் நிறுவனங்கள் மலர் தோரணங்கள் மற்றும் மாலைகளால் அலங்கரிக்கப்படுவது வழக்கம். இதனிடையே நாளை (ஞாயிற்றுக்கிழமை) ஆயுதபூஜை கொண்டாடப்பட உள்ளதை முன்னிட்டு, நேற்று நாமக்கல் பஸ் நிலையத்தில் உள்ள பூ மார்க்கெட்டில் பூக்கள் விற்பனை அதிகரித்து இருந்தது.
முன்னதாக மோகனூர், சேந்தமங்கலம், எருமப்பட்டி மற்றும் சுற்றுவட்டார பகுதிகளில் இருந்து பூக்களை நாமக்கல் பூ மார்க்கெட்டுக்கு விவசாயிகள் விற்பனைக்கு கொண்டு வந்திருந்தனர். வழக்கத்தை விட பூக்களின் வரத்து நேற்று அதிகரித்து இருந்ததோடு, அவற்றின் விலையும் கடுமையாக உயர்ந்துள்ளது.
அதன்படி கடந்த 2 நாட்களுக்கு முன்பு கிலோ ரூ.340-க்கு விற்பனை செய்யப்பட்ட அரளி பூ நேற்று ரூ.400-க்கும், கிலோ ரூ.120-க்கு விற்பனை செய்யப்பட்ட சம்பங்கி ரூ.240-க்கும் விற்பனையானது. அதேபோல் கடந்த 2 நாட்களுக்கு முன்பு ரூ.100-க்கு விற்பனையான ஒரு கிலோ சாமந்தி பூ, நேற்று ரூ.200-க்கு விற்பனை செய்யப்பட்டது.
மேலும் ரூ.280-க்கு விற்பனை செய்யப்பட்ட ஒரு கிலோ முல்லை பூ, நேற்று ரூ.400-க்கும், ரூ.440-க்கு விற்பனை செய்யப்பட்ட ஒரு கிலோ மல்லிகை பூ, நேற்று ரூ.500-க்கும் விற்பனை ஆனது. கடும் விலை உயர்வையும் பொருட்படுத்தாமல் ஏராளமான பொதுமக்கள் மற்றும் வியாபாரிகள் பூக்களை வாங்கி சென்றனர்.
இதனிடையே நாமக்கல் பூ மார்க்கெட்டில் பூக்களை வாங்க பொதுமக்கள் மற்றும் வியாபாரிகள் திரண்டதால் கூட்ட நெரிசல் ஏற்பட்டது. மேலும் பூ கடைகளுக்கு முன்பு சமூக இடைவெளி கடைபிடிக்கப்படாததால், கொரோனா வைரஸ் நோய் தொற்று பரவும் அபாய சூழல் நிலவியது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X