என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
சேலத்தில் பெரிய வெங்காயம் விலை கடும் உயர்வு
Byமாலை மலர்23 Oct 2020 9:56 AM GMT (Updated: 23 Oct 2020 9:56 AM GMT)
சேலத்தில் பெரிய வெங்காயம் விலை கடுமையாக உயர்ந்துள்ளது. ஒரு கிலோ ரூ.100-க்கு விற்பனை செய்யப்படுகிறது.
சேலம்:
இந்தியாவில் மராட்டியம், கர்நாடகா, குஜராத் உள்ளிட்ட மாநிலங்களில் பெரிய வெங்காயம் அதிகளவில் சாகுபடி செய்யப்படுகிறது. கடந்த ஜூலை, ஆகஸ்டு மாதங்களில் வட மாநிலங்களில் பெய்த கனமழையால் பெரிய வெங்காய பயிர்கள் நீரில் மூழ்கியது. இதனால் விளைச்சல் பாதிக்கப்பட்டது.
இதன் காரணமாக அங்கிருந்து வழக்கமாக தமிழகத்திற்கு வரவேண்டிய பெரிய வெங்காயம் வரத்து 80 சதவீதம் குறைந்ததால், விலை படிப்படியாக உயர்ந்து வருவதாக வியாபாரிகள் தெரிவித்தனர். வட மாநிலங்களில் பெய்த தொடர் மழையால் சேலம் மார்க்கெட்டிற்கு வர வேண்டிய பெரிய வெங்காயம் வரத்து குறைந்துள்ளது. இதனால் சேலத்தில் பெரிய வெங்காயம் விலை கடுமையாக உயர்ந்துள்ளது.
உழவர் சந்தைகளிலும் பெரிய வெங்காயத்திற்கு கடும் கிராக்கி ஏற்பட்டுள்ளது. கடந்த ஒரு மாதத்திற்கு முன்பு ஒரு கிலோ பெரிய வெங்காயம் ரூ.40 முதல் ரூ.50 வரை விற்பனை செய்யப்பட்டது. ஆனால் கடந்த சில நாட்களாக உழவர் சந்தைகள் மற்றும் தினசரி மார்க்கெட்டுகளில் ஒரு கிலோ பெரிய வெங்காயம் ரூ.90 முதல் ரூ.100 வரைக்கும் விற்பனை செய்யப்பட்டு வருகிறது.
பெரிய வெங்காயத்தை போலவே சின்ன வெங்காயத்தின் விலையும் அதிகரித்துள்ளது. கடந்த மாதம் ஒரு கிலோ சின்ன வெங்காயம் ரூ.50-க்கு விற்பனை செய்யப்பட்டு வந்தநிலையில் தற்போது ரூ.80-க்கு விற்பனை செய்யப்படுகிறது. வரும் நாட்களில் ஆயுதபூஜை, தீபாவளி, கிறிஸ்துமஸ் என அடுத்தடுத்து பண்டிகைகள் வருவதால் சின்ன மற்றும் பெரிய வெங்காயத்தின் தேவை அதிகரிக்கும் என்பதால் விலை மேலும் உயர வாய்ப்பு உள்ளதாக வியாபாரிகள் தெரிவித்தனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X