என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
செல்போன்கள், மோட்டார் சைக்கிளை பறித்த 4 பேர் கைது
Byமாலை மலர்27 Sep 2020 7:31 AM GMT (Updated: 27 Sep 2020 7:31 AM GMT)
திண்டுக்கல் அருகே பெண்களை தாக்கி செல்போன்கள், மோட்டார் சைக்கிளை பறித்த 4 பேரை போலீசார் கைது செய்து விசாரணை நடத்தி வருகின்றனர்.
திண்டுக்கல்:
திண்டுக்கல் பேகம்பூர் ஏ.பி. நகரை சேர்ந்தவர் கிறிஷ்டினா (வயது 27). இவருடைய தோழி வேடசந்தூர் உசேன்ராவுத்தர் தெருவை சேர்ந்த நிஷா (22). இவர்கள் 2 பேரும், திண்டுக்கல் குறிஞ்சி நகரில் உள்ள தனியார் நிறுவனத்தில் வேலை பார்க்கின்றனர். நேற்று முன்தினம் இவர்கள் பணியில் இருந்த போது அந்த நிறுவனத்துக்குள் புகுந்த 4 பேர் கொண்ட கும்பல் 2 பேரையும் தாக்கிவிட்டு அவர்களிடம் இருந்து 2 செல்போன்களை பறித்து கொண்டதோடு நிறுவனம் முன்பு நிறுத்தப்பட்டிருந்த மோட்டார் சைக்கிளையும் எடுத்துச்சென்றனர்.
இதுகுறித்து திண்டுக்கல் வடக்கு போலீஸ் இன்ஸ்பெக்டர் உலகநாதன், சப்-இன்ஸ்பெக்டர் மகேஷ் மற்றும் போலீசார் வழக்குப்பதிவு செய்து விசாரணை நடத்தினர். விசாரணையில் அவர்கள் 4 பேரும் பாலகிருஷ்ணாபுரம் ரெயில்வே கேட் அருகே பதுங்கி இருப்பது தெரியவந்தது. இதையடுத்து அங்கு சென்ற போலீசார் 4 பேரையும் மடக்கிப்பிடித்து விசாரித்தனர்.
அதில் அவர்கள் திண்டுக்கல் அபிராமிகுப்பத்தை சேர்ந்த கார்த்திகேயன் (35), பாறைமேட்டுத்தெருவை சேர்ந்த விக்னேஷ் (27), திண்டுக்கல் நாடக நடிகர் காலனியை சேர்ந்த கண்ணன் (48), சின்னபள்ளப்பட்டியை சேர்ந்த ராஜா (48) என்று தெரியவந்தது. பின்னர் 4 பேரையும் போலீசார் கைது செய்தனர். மேலும் அவர்களிடம் இருந்து செல்போன்கள், மோட்டார் சைக்கிளையும் பறிமுதல் செய்தனர். சம்பவம் நடந்த சில மணி நேரத்திலேயே, குற்றவாளிகளை கைது செய்த போலீசாரை மாவட்ட போலீஸ் சூப்பிரண்டு ரவளி பிரியா பாராட்டினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X