என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கோவில் விழாவையொட்டி வெடி வெடித்து - சிறுவன் பலி
Byமாலை மலர்15 Sep 2020 3:08 PM GMT (Updated: 15 Sep 2020 3:08 PM GMT)
உப்பிலியாபுரம் அருகே கோவில் விழாவையொட்டி ஏற்பட்ட வெடி விபத்தில் சிறுவன் பலியானார். இது குறித்து போலீசார் விசாரணை நடத்தி வருகின்றனர்.
உப்பிலியபுரம்:
கரூர் மாவட்டம் பரமத்தி வேலூரை சேர்ந்தவர் லோகநாதன். இவர், மத்திய சேம காவல் படையில் காவலராக பணி புரிந்து வருகிறார். இவர், அங்கிருந்து மனைவி சுதா, மகன் சசிதரன்(வயது 7), சுதாவின் தங்கை ஆகியோருடன் வளைகாப்பு நிகழ்ச்சி ஒன்றில் பங்கேற்பதற்காக திருச்சி மாவட்டம் உப்பிலியபுரம் அருகே உன்ள எஸ்.என்.புதூருக்கு ஆட்டோவில் வந்தார். அப்போது அந்த வீட்டின் அருகே புதிதாக கட்டி முடிக்கப்பட்ட கோவிலில் சிறப்பு பூஜைகள் நடைபெற்றது. இதையொட்டி அங்குள்ள பள்ளி அருகே வெடி வெடிக்கப்பட்டது. அப்போது ஆட்டோவின் மேல் அமர்திருந்த சிறுவன் சசிதரன் மீது வெடி ஒன்று விழுந்து வெடித்ததாக கூறப்படுகிறது.
இதில் படுகாயமடைந்த சசிதரை துறையூர் மருத்துவமனைக்கு கொண்டு சென்றனர். ஆனால், மருத்துவமனைக்கு கொண்டு செல்லும் வழியிலேயே சிறுவன் உயிரிழந்தான். பின்னர் இறந்த சசிதரன் உடலை அவனது உறவினர்கள் சொந்த ஊருக்கு கொண்டு சென்று விட்டனர்.
இந்த வெடி விபத்து குறித்து முசிறி துணை போலீஸ் சூப்பிரண்டு பிரம்மானந்தம், துறையூர் இன்ஸ்பெக்டர் குருநாதன், உப்பிலியபுரம் சப்-இன்ஸ்பெக்டர் கலைச்செல்வன் ஆகியோர் விசாரணை நடத்தி வருகின்றனர். மேலும், பரமத்தி வேலூருக்கும் சென்று விசாரணை நடத்தப்பட்டு வருகிறது. வெடி விபத்தில் உயிரிழந்த சிறுவன் அவனது பெற்றோருக்கு ஒரே மகன் என்பது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X