search icon
என் மலர்tooltip icon

    செய்திகள்

    காதல் ஜோடி
    X
    காதல் ஜோடி

    வடமதுரை போலீஸ் நிலையத்தில் காதல் ஜோடி தஞ்சம்

    கோவிலில் திருமணம் செய்து கொண்ட காதலர்கள் அதன்பின்பு வடமதுரை மகளிர் போலீஸ் நிலையத்தில் பாதுகாப்பு கேட்டு தஞ்சமடைந்தனர்
    வடமதுரை:

    அய்யலூர் அருகே உள்ள குப்பாம்பட்டியை சேர்ந்தவர் செல்வராஜ் (வயது 27). பட்டதாரி. இவர் விவசாயம் செய்து வருகிறார். புத்தூரை சேர்ந்தவர் முருகேஸ்வரி (20). இவர் திண்டுக்கல்லில் உள்ள தனியார் மருத்துவமனையில் நர்சாக பணியாற்றி வருகிறார். இருவரும் பக்கத்து ஊர்களை சேர்ந்தவர்கள் என்பதால் பழக்கம் ஏற்பட்டது. நாளடைவில் இருவருக்கும் இடையே காதல் மலர்ந்தது. கடந்த 3 ஆண்டுகளாக காதலித்து வந்தனர். முருகேஸ்வரியின் வீட்டில் காதலுக்கு எதிர்ப்பு தெரிவித்தனர்.

    இதையடுத்து காதலர்கள் இருவரும் வீட்டை விட்டு நேற்று முன்தினம் வெளியேறினர். பின்னர் அவர்கள் வீரப்பூரில் உள்ள ஒரு கோவிலில் திருமணம் செய்து கொண்டனர். அதன்பின்பு வடமதுரை மகளிர் போலீஸ் நிலையத்தில் காதலர்கள் இருவரும் பாதுகாப்பு கேட்டு தஞ்சமடைந்தனர். இதையடுத்து போலீசார், காதலர்களின் பெற்றோரை அழைத்து போலீசார் பேச்சுவார்த்தை நடத்தினர். இதில் மணமகனின் வீட்டில் பெற்றோர் ஏற்றுக்கொண்டதால் அவர்களுடன் மணமக்களை அனுப்பி வைத்தனர்.
    Next Story
    ×