ஒகேனக்கல்லுக்கு நீர்வரத்து 2,800 கனஅடியாக அதிகரிப்பு

தர்மபுரி:

காவிரி மேலாண்மை வாரிய உத்தரவுப்படி தமிழகத்திற்கு மாத வாரியாக கர்நாடகம் திறக்க வேண்டிய தண்ணீரை வழங்க கபினி மற்றும் கிருஷ்ணராஜசாகர் அணையில் இருந்து தண்ணீர் திறக்கப்பட்டதாலும், காவிரி நீர்ப்பிடிப்பு பகுதிகளில் ஆங்காங்கே பெய்த மழை காரணமாகவும் ஒகேனக்கல்லுக்கு நீர்வரத்து அதிகரித்துள்ளதாக தகவல் வெளியாகி உள்ளது.

ஒகேனக்கல்லுக்கு நீர்வரத்தை கர்நாடக-தமிழக எல்லையான பிலிகுண்டுலுவில் மத்திய நீர்வளத்துறை அதிகாரிகள் தீவிரமாக கண்காணித்து வருகின்றனர்.