search icon
என் மலர்tooltip icon

    செய்திகள்

    கைது
    X
    கைது

    பொன்னேரி அருகே காரில் ஆடுகளை திருடிச் சென்ற 3 பேர் கைது

    பொன்னேரி அருகே காரில் ஆடுகளை திருடிச் சென்ற 3 பேரை போலீசார் கைது செய்து விசாரணை நடத்தி வருகின்றனர்.
    பொன்னேரி:

    பொன்னேரி அருகே பழவேற்காடு பகுதியில் வசிப்பவர் அப்துல்முஜிப் (வயது 30). இவர் தனக்கு சொந்தமான 10 ஆடுகளை பழவேற்காடு ஏரியில் மேய்ச்சலுக்கு விட்டிருந்தார். அப்போது அந்த பகுதியில் காரில் வந்த 3 பேர் கொண்ட கும்பல் ஆடுகளை பிடித்து காருக்குள் ஏற்ற முயன்றனர்.

    இதை பொன்னேரி பழவேற்காடு சாலை வழியாக மோட்டார் சைக்கிளில் வந்தவர்கள் கண்டதும், சத்தம் போடவே அகப்பட்ட 2 ஆடுகளையும் காரில் ஏற்றி வேகமாக தப்பி சென்றனர்.

    இதுகுறித்து தகவலறிந்த திருப்பாலைவனம் போலீசார் அந்த வழியாக வந்த காரை மடக்கி அதில் இருந்த திருமழிசையை சேர்ந்த அஸ்ரத் வயது (34), அஜய் (22), அஜித்குமார் (22) ஆகிய 3 பேரையும் கைது செய்தனர். பின்னர், 2 ஆடுகள் மற்றும் காரையும் பறிமுதல் செய்த போலீசார், வழக்கு பதிவு செய்து விசாரித்து வருகின்றனர்.
    Next Story
    ×