அம்மூர் அருகே சுடுகாட்டில் மரத்தில் தொங்கிய நிலையில் மாணவர் பிணம்

ராணிப்பேட்டை:

அம்மூர் அருகே உள்ள பைராகி காலனி பகுதியை சேர்ந்தவர் வெங்கடேசன். அவருடைய மகன் தங்கராசு (வயது 14), அம்மூரில் 9-ம் வகுப்பு படித்து வந்தான்.

நேற்று முன்தினம் வீட்டை விட்டு வெளியே சென்ற தங்கராசு அதன்பிறகு வீடு திரும்பவில்லை. இந்த நிலையில் நேற்று பள்ளி காலனி அருகே சுடுகாடு பகுதியில் உள்ள மரத்தில் தூக்கில் தொங்கிய நிலையில் தங்கராசு பிணமாக கிடப்பதாக ராணிப்பேட்டை பேலீசாருக்கு தகவல் கிடைத்தது. போலீசார் சம்பவ இடத்திற்கு சென்று பிணத்தை கைப்பற்றி பிரேத பரிசோதனைக்காக வாலாஜா அரசு மருத்துவமனைக்கு அனுப்பி வைத்தனர்.

இது குறித்து போலீசார் வழக்குப்பதிவு செய்து, தங்கராசு தூக்குப்போட்டு தற்கொலை செய்து கொண்டாரா? அல்லது யாராவது அடித்துக்கொலை செய்து தூக்கில் தொங்க விட்டனரா? என விசாரணை நடத்தி வருகின்றனர்.