திருவள்ளூர்:
திருவள்ளூரை அடுத்த பெரியகுப்பம் வள்ளலார் நகர் பகுதியை சேர்ந்தவர் ரமேஷ். இவர் அதே பகுதியில் மளிகை கடை நடத்தி வருகிறார்.
வழக்கம்போல் நேற்று இரவு கடையை மூடிவிட்டு சென்றார். இன்று அதிகாலை கடையை திறப்பதற்கு வந்த போது கடையின் ஷட்டர் உடைக்கப்பட்டு இருந்ததை கண்டு அதிர்ச்சி அடைந்தார். உள்ளே சென்று பார்த்த போது கடையில் வைத்திருந்த ரூ.40 ஆயிரம் ரொக்கம், ரூ.5 ஆயிரம் மதிப்புள்ள மளிகை பொருட்கள் கொள்ளை போய் இருந்தது.
இதுகுறித்து திருவள்ளூர் நகர போலீசில் புகார் செய்தார். போலீஸ் சப்-இன்ஸ்பெக்டர் சக்திவேல் மற்றும் போலீசார் சம்பவ இடத்துக்கு விரைந்து வந்து விசாரணை நடத்தினர்.
பொன்னேரியை அடுத்த பெருஞ்சேரியை சேர்ந்தவர் அஞ்சலி. இவர் பெரவல்லூர் அங்கன்வாடியில் ஊழியராக வேலை பார்த்து வந்தார். நேற்று முன்தினம் வேலைக்கு செல்லும் போது வீட்டை பூட்டிவிட்டு சாவியை கதவு அருகே மறைத்து வைத்து சென்றார்.
மாலையில் திரும்பி வந்த போது பீரோவில் இருந்த 2 பவுன் நகை மாயமாகி இருந்தது. மறைத்துவைத் திருந்த சாவியை திருடி மர்ம நபர்கள் நகையை கொள்ளையடித்து சென்று இருப்பது தெரிந்தது.
