என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பாலமேட்டில் ஜல்லிக்கட்டு தொடங்கியது... சீறி வரும் காளைகளை அடக்கும் காளையர்கள்
Byமாலை மலர்16 Jan 2020 2:59 AM GMT (Updated: 17 Jan 2020 6:30 AM GMT)
பொங்கல் பண்டிகையை முன்னிட்டு புகழ்பெற்ற பாலமேடு ஜல்லிக்கட்டு இன்று உற்சாகத்துடன் தொடங்கியது. வாடிவாசல் வழியாக சீறி வரும் காளைகளை இளைஞர்கள் பிடித்து அடக்குவதைப் பார்க்க ஏராளமான மக்கள் திரண்டுள்ளனர்.
பாலமேடு
தமிழகத்தில் பொங்கல் பண்டிகையை முன்னிட்டு ஜல்லிக்கட்டு போட்டிகள் நடத்தப்படுகின்றன. அவ்வகையில் இந்த ஆண்டுக்கான ஜல்லிக்கட்டு போட்டிகள் உற்சாகத்துடனும் விறுவிறுப்பாகவும் நடைபெற்று வருகின்றன. பொங்கல் தினமான நேற்று அவனியாபுரத்தில் ஜல்லிக்கட்டு நடத்தப்பட்டது.
இந்நிலையில் மாட்டுப்பொங்கல் தினமான இன்று பாலமேடு ஜல்லிக்கட்டு தொடங்கி நடைபெற்று வருகிறது. காலை 8 மணிக்கு மாடுபிடி வீரர்கள் உறுதிமொழி ஏற்றதும் போட்டி தொடங்கியது. அதன்பின்னர் வாடிவாசல் வழியாக காளைகள் அவிழ்த்து விடப்பட்டன.
வாடிவாசலில் இருந்து முதலில் கோவில் காளைகள் அவிழ்த்து விடப்பட்டன. அதன்பின்னர் மற்ற காளைகள் அவிழ்த்து விடப்பட்டன. சீறி வரும் காளைகளை பிடிக்க காளையர்கள் களத்தில் ஆக்ரோஷமாக களமிறங்கி உள்ளனர். ஜல்லிக்கட்டு போட்டியைக் காண ஏராளமான மக்கள் திரண்டுள்ளனர்.
இந்த ஜல்லிக்கட்டில் 700 காளைகள் பங்கேற்றுள்ளன. காளைகளை பிடித்து பரிசை தட்டிச்செல்வதற்கு 936 வீரர்கள் பங்கேற்றுள்ளனர். இவர்கள் தனித்தனி குழுக்களாக பிரிக்கப்பட்டு களத்தில் இறக்கப்படுகின்றனர். ஜல்லிக்கட்டில் காளையை அடக்கும் வீரர்களுக்கும், காளையர்களின் பிடியில் சிக்காத காளைகளுக்கும் பரிசுகள் வழங்கப்படுகின்றன. கார், இருசக்கர வாகனங்கள், தங்கம் மற்றும் வெள்ளி காசுகள், கட்டில், பீரோ உள்ளிட்ட பொருட்கள் வழங்கப்படுகின்றன.
ஜல்லிக்கட்டு போட்டியை முன்னிட்டு ஏராளமான போலீசார் பாதுகாப்பு பணியில் ஈடுபடுத்தப்பட்டுள்ளனர். போட்டியில் காயமடையும் வீரர்களுக்கும், காளைகளுக்கும் உடனடியாக மருத்துவ உதவி செய்வதற்கு தயார் நிலையில் மருத்துவக் குழுவினர் உள்ளனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X