search icon
என் மலர்tooltip icon

    செய்திகள்

    கே.எஸ்.அழகிரி
    X
    கே.எஸ்.அழகிரி

    மேயர் பதவி விருப்ப மனுவுக்கு ரூ.10 ஆயிரம்: கே.எஸ்.அழகிரி அறிவிப்பு

    தமிழக காங்கிரஸ் சார்பில் போட்டியிட மேயர் பதவி விருப்ப மனுவுக்கு ரூ.10 ஆயிரம் செலுத்த வேண்டும் என்று கே.எஸ்.அழகிரி தெரிவித்துள்ளார்.

    சென்னை:

    தமிழக காங்கிரஸ் தலைவர் கே.எஸ்.அழகிரி வெளியிட்டுள்ள அறிக்கையில் கூறி இருப்பதாவது-

    தமிழகத்தில் நடைபெற உள்ள உள்ளாட்சித் தேர்தலில் மாநகராட்சி மேயர்-ரூ.10 ஆயிரமும், மாநகராட்சி வார்டு உறுப்பினர்- ரூ.3 ஆயிரமும், நகராட்சித் தலைவர்-ரூ.5 ஆயிரமும், நகராட்சி வார்டு உறுப் பினர்-ரூ.2 ஆயிரமும், பேரூராட்சித் தலைவர்-3 ஆயிரமும், பேரூராட்சி வார்டு உறுப்பினர்-ரூ.1 ஆயிரமும், மாவட்ட ஊராட்சி உறுப்பினர்-ரூ.3 ஆயிரமும், ஊராட்சி ஒன்றிய உறுப்பினர்-ரூ.2 ஆயிரமும், என நன்கொடைக் கட்டணம் நிர்ணயிக்கப்பட்டுள்ளது. இதில் ஆதிதிராவிடர் மற்றும் பெண்கள் 50 சதவீத கட்டணம் செலுத்தினால் போதுமானது.

    தமிழ்நாடு காங்கிரஸ் கமிட்டி அலுவலகத்தில் இருந்து அனுப்பப்படுகிற விருப்ப மனுக்களை வருகிற நவம்பர் 21, 22, 23 ஆகிய மூன்று நாட்களில் உள்ளாட்சி தேர்தலில் போட்டியிட விரும்புகிறவர்களிடம் இருந்து நன்கொடைத் தொகையோடு, பூர்த்தி செய்யப்பட்ட மனுக்களை மாவட்ட காங்கிரஸ் கமிட்டிகள் திரும்ப பெற வேண்டும்.

    திரும்ப பெறப்பட்ட மனுக்களுடன் நவம்பர் 26-ந் தேதி செவ்வாய்க்கிழமை காலை 11 மணியளவில், சென்னை சத்தியமூர்த்தி பவனில் நடைபெறவுள்ள மாவட்ட காங்கிரஸ் கமிட்டி தலைவர்கள் கூட்டத்தில் பங்கேற்க வரும் போது பூர்த்தி செய்யப்பட்ட விருப்ப மனுக்கள் அனைத்தையும் உரிய தொகையுடன் மாவட்டத் தலைவர்கள் சமர்ப்பிக்க வேண்டும்.

    இவ்வாறு அவர் கூறியுள்ளார்.

    Next Story
    ×