தலைமைக்கு வெற்றிடம்- ரஜினிகாந்த் மீது வளர்மதி பாய்ச்சல்

சென்னை:

நடிகர் ரஜினிகாந்த் சில நாட்களுக்கு முன்பு தமிழ்நாட்டில் நல்ல ஆளுமையான தலைமைக்கு வெற்றிடம் ஏற்பட்டுள்ளதாக பேட்டி ஒன்றில் கூறினார். ரஜினியின் இந்த கருத்துக்கு அ.தி.மு.க.வினர் கடும் எதிர்ப்பு தெரிவித்து வருகின்றனர்.

ரஜினிகாந்தின் கருத்து குறித்து கேட்கப்பட்ட கேள்வி ஒன்றுக்கு பதில் அளித்த அ.தி.மு.க.வின் பா.வளர்மதி , ‘தமிழகத்தில் நல்ல தலைமைக்கான வெற்றிடம் உள்ளது என்பதை எதை வைத்து ரஜினிகாந்த் கூறி இருக்கிறார் என்று எனக்கு புரியவில்லை.

ரஜினிகாந்தின் கருத்தை ஒருபோதும் நாங்கள் ஏற்றுக்கொள்ள மாட்டோம். ஆளுமை மற்றும் தலைமை பண்பு இருப்பதாலேயே ஈ.பி.எஸ். மற்றும் ஓ.பி.எஸ். இருவரும் ஆட்சியையும், கட்சியையும் வழி நடத்துகிறார்கள்’.

இவ்வாறு பா.வளர்மதி கூறியுள்ளார்.