தீபாவளி பண்டிகை - நெல்லை, திருச்சிக்கு சிறப்பு ரெயில்கள்

சென்னை:

தெற்கு ரெயில்வே சென்னை கோட்டம் வெளியிட்டுள்ள செய்திக்குறிப்பில் கூறப்பட்டிருப்பதாவது:-

* தாம்பரம்-நெல்லை (வண்டி எண்: 82606) இடையே சுவிதா சிறப்பு ரெயில் வருகிற 24-ந் தேதி தாம்பரம் ரெயில் நிலையத்தில் இருந்து இரவு 8.50 மணிக்கு இயக்கப்படுகிறது.

* தாம்பரம்-திருச்சி (06025) இடையே சுவிதா சிறப்பு ரெயில் வருகிற 30-ந் தேதி தாம்பரம் ரெயில் நிலையத்தில் இருந்து காலை 6 மணிக்கு இயக்கப்படுகிறது.

* நாகர்கோவில்-தாம்பரம் (82644) இடையே சுவிதா சிறப்பு ரெயில் வருகிற 29-ந் தேதி நாகர்கோவில் ரெயில் நிலையத்தில் இருந்து மதியம் 12.55 மணிக்கு புறப்படும்.

* நெல்லை-தாம்பரம் (82606) இடையே சுவிதா சிறப்பு ரெயில் வருகிற 28-ந் தேதி நெல்லை ரெயில் நிலையத்தில் இருந்து இரவு 9.40 மணிக்கு இயக்கப்படும்.

இந்த சிறப்பு ரெயில்களுக்கான முன்பதிவு இன்று (புதன் கிழமை) தொடங்குகிறது.

இவ்வாறு அதில் கூறப்பட்டுள்ளது.