என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கிருமாம்பாக்கம் அருகே திடீர் தீ விபத்தில் 2 வீடுகள் எரிந்து சாம்பல்
Byமாலை மலர்13 Aug 2019 2:47 PM GMT (Updated: 13 Aug 2019 2:47 PM GMT)
கிருமாம்பாக்கம் அருகே திடீர் தீ விபத்தில் 2 வீடுகள் எரிந்து சாம்பலானது. ரூ. 5 லட்சம் மதிப்புள்ள பொருட்கள் சேதம் அடைந்தன.
பாகூர்:
கிருமாம்பாக்கம் அருகே ஆலடிமேடு பிள்ளையார் கோவில் தெருவை சேர்ந்தவர் ராஜேந்திரன் (வயது 47). விவசாயி. இவரது மனைவி சங்கீதா, இவர்கள் கூரை வீட்டில் வசித்து வந்தனர். இவர்களது வீட்டின் பின்னால் உள்ள மற்றொரு கூரை வீட்டில் சங்கீதாவின் மாமியார் குமாரி வசித்து வந்தார்.
நேற்று மாலை சங்கீதா வீட்டின் சமையல் அறையில் சமையல் செய்து கொண்டு இருந்தார். அப்போது மின் கசிவு காரணமாக வீட்டின் கூரையில் தீப்பிடித்தது. சிறிது நேரத்தில் தீ மளமள வென கொழுந்து விட்டு எரிந்தது. மேலும் குமாரி வசித்து வந்த வீட்டிலும் தீ பரவியது. உடல் ஊனமுற்றவரான குமாரியை அக்கம் பக்கத்தினர் வீட்டில் இருந்து மீட்டனர். மேலும் தீயை அணைக்க முயன்றனர். ஆனால், இயலாததால் இது பற்றி பாகூர் தீயணைப்பு நிலையத்துக்கு தகவல் தெரிவித்தனர். தீயணைப்பு படையினர் விரைந்து வந்து மேலும் தீ பரவாமல் அணைத்தனர்.
இந்த தீ விபத்தில் 2 வீடுகளும் முற்றிலும் எரிந்து போனதால் வீட்டு உபயோக பொருட்கள் அனைத்தும் எரிந்து நாசமானது. மேலும் வீட்டில் வைத்து இருந்த நெல் மூட்டைகள் மற்றும் மணிலா, எள், உளுந்து மூட்டைகள் மற்றும் ரூ. 1 லட்சம் ரொக்க பணம், தங்க நகைகளும் எரிந்து போனது. இதன் மொத்த சேத மதிப்பு ரூ. 5 லட்சம் ஆகும்.
இது பற்றி தகவல் அறிந்ததும் அமைச்சர் கந்தசாமி சம்பவ இடத்தை பார்வையிட்டு தீ விபத்தில் பாதிக்கப்பட்டவர்களுக்கு ஆறுதல் கூறினார். மேலும் நிவாரண உதவிகளை வழங்கினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X