அ.தி.மு.க.வுடன் பா.ஜனதா தோழமையுடன் உள்ளது- தமிழிசை பேட்டி

சென்னை:

சென்னை அரும்பாக்கத்தில் பா.ஜனதா சார்பில் இலவச மருத்துவ முகாமை மாநில தலைவர் டாக்டர் தமிழிசை சவுந்தரராஜன் தொடங்கி வைத்தார். பின்னர் அவரிடம் பேட்டி கண்டனர்.

அப்போது இரட்டை தலைமை, ஒற்றை தலைமை பற்றி எழுந்துள்ள பிரச்சினை பற்றி கேள்வி எழுப்பினர். அதற்கு அவர் கூறியதாவது:-

இது அவர்களின் உட்கட்சி பிரச்சினை நாங்கள் அ.தி.மு.க.வுடன் தோழமையுடன்தான் இருக்கிறோம். கூட்டணி என்பது தேர்தலுக்காக அமைப்பது. கூட்டணிக்கும் கட்சி நடத்துவதற்கும் சம்பந்தம் இல்லை. எனவே அவர்களின் உட்கட்சி பிரச்சினையில் நான் எந்த கருத்தும் சொல்ல முடியாது.

உள்ளாட்சி தேர்தலை பொறுத்தவரை தேதி அறிவிக்கப்பட்ட பிறகு கூட்டணி பற்றி அறிவிப்போம்.

இவ்வாறு அவர் கூறினார்.