மனைவி கண்முன்னே மளிகை கடைகாரரிடம் வழிப்பறி செய்த கொள்ளையர்கள்

கிருஷ்ணகிரி:

வேலூர் மாவட்டம், திருப்பத்தூர் சாமிசெட்டி தெருவை சேர்ந்தவர் செய்யது(37), இவர் அந்த பகுதியில் மளிகை கடை வைத்து நடத்தி வருகிறார். 

இந்த நிலையில் கடந்த 13-ந் தேதி தனது சொந்த வேலையாக மனைவியுடன் தனது பைக்கில் கிருஷ்ணகிரிக்கு வந்து விட்டு ஊருக்கு திரும்பி செல்லும்போது கிருஷ்ணகிரியில் சென்னை பை-பாஸ் சாலையில் தண்டேகுப்பம் பகுதியில் செல்லும்போது பின்னால் பைக்கில் வந்த 25 வயது மதிக்கதக்க 2வாலிபர்கள் இவர்களை வழி மறித்து செய்யது-விடமிருந்த பணம் ரூ700-யும் மற்றும் 10 ஆயிரம் மதிப்புள்ள செல்போனையும் பறித்து கொண்டு தலை மறைவாகி விட்டனர். 

பின்னர் அதிர்ச்சியடைந்த செய்யது கிருஷ்ணகிரி டவுன் போலீசில் கொடுத்த புகாரின் பேரில் போலீஸ் இன்ஸ்பெக்டர் பாஸ்கர் வழக்குபதிவு செய்து பைக் கொள்ளையர்களை தேடி வருகிறார்.