search icon
என் மலர்tooltip icon

    செய்திகள்

    மு.க.ஸ்டாலின் பக்ரீத் வாழ்த்து
    X

    மு.க.ஸ்டாலின் பக்ரீத் வாழ்த்து

    தமிழகத்தில் வாழும் இஸ்லாமிய மக்கள் அனைவருக்கும் தி.மு.க.செயல் தலைவர் மு.க.ஸ்டாலின் பக்ரீத் வாழ்த்து செய்தி வெளியிட்டுள்ளார். #DMK #MKStalin #Bakrid
    சென்னை:

    தி.மு.க.செயல் தலைவர் மு.க.ஸ்டாலின் வெளியிட்டுள்ள பக்ரீத் வாழ்த்து செய்தியில் கூறி இருப்பதாவது:-

    தமிழகத்தில் வாழும் இஸ்லாமிய மக்கள் அனைவரது வாழ்விலும் எல்லா வளமும், நலமும் பெருகிட ஈகைத்திருநாள் எனப்படும் பக்ரீத் பெருநாளையொட்டி எனது இதயம் நிறைந்த நல்வாழ்த்துகளைத் தெரிவித்து மகிழ்கிறேன்.

    தி.மு.க. ஆட்சியிலிருந்த நேரத்தில் இஸ்லாமிய பெரு மக்களுக்கு பல சாதனைத் திட்டங்களை நிறைவேற்றியிருக்கிறது; எதிர்க்கட்சி வரிசையில் இருக்கும் போதெல்லாம் அவர்களின் உரிமைகளுக்காகக் குரல் கொடுத்து வந்திருக்கிறது. அந்தப் பணியை தி.மு.க. என்றைக்கும் தொடரும் என்று தெரிவித்துக் கொள்ளும் இந்த நேரத்தில், ஈட்டிய பொருளில் ஒரு பகுதியை பக்ரீத் பெருநாளில் ஏழை எளியோரின் இன்னல் தீர மனமுவந்து வழங்கி மகிழும் இஸ்லாமியப் பெருமக்களுக்கு மீண்டும் எனது இதயம் கனிந்த வாழ்த்துக்களைத் தெரிவித்துக் கொள்கிறேன்.

    இவ்வாறு அதில் கூறப்பட்டுள்ளது. #DMK #MKStalin #Bakrid
    Next Story
    ×