தஞ்சையில் மோட்டார் சைக்கிள் மோதி முதியவர் பலி

தஞ்சாவூர்:

தஞ்சை மருத்துவக் கல்லூரி சாலை எல்.ஐ.சி. காலனி மேற்கு விரிவாக்கப் பகுதியை சேர்ந்தவர் சுகுமார் (வயது 60). இவர் கடந்த 14-ந்தேதி தஞ்சை பாஸ்போர்ட் அலுவலகம் அருகே மோட்டார் சைக்கிளில் சாலையை கடந்து சென்றார்.

அப்போது அந்த வழியாக வந்த மற்றொரு மோட்டார் சைக்கிள் ஒன்று அவர் மீது மோதியது. இதில் சுகுமார் தூக்கிவீசப்பட்டு பலத்தகாயமடைந்தார். உடனே அக்கம் பக்கத்தினர் அவரை மீட்டு தஞ்சை மருத்துவக் கல்லூரி மருத்துவமனையில் அனுமதித்தனர்.

அங்கு சிகிச்சை பலன் அளிக்காமல் சுகுமார் நேற்று இறந்தார். இது குறித்து நகரப் போக்குவரத்து புலனாய்வு பிரிவு போலீசார் வழக்கு பதிவு செய்து விசாரணை நடத்தி வருகின்றனர்.