திருவாரூர் அருகே மாணவர் மாயம்

திருவாரூர்:

திருவாரூர் அருகே உள்ள மாவூர் வேப்பதாங்குடியை சேர்ந்த பாலு மகன் முகேஷ்குமார் (வயது-17) இவர் திருநெய்பேர் என்ற இடத்தில் செயல்படும் அரசு மேல்நிலைப்பள்ளியில் பிளஸ்-1 படித்து வந்தான். இவர் செலவுக்கு பணம் கேட்டதற்கு அவரது அம்மா பணம் கொடுக்க வில்லை என்று கூறப்படுகிறது. இதைத்தொடர்ந்து பள்ளி செல்வதாக கூறி சென்ற முகேஷ்குமார் மாயமாகி விட்டார்.

அவர் வீடு திரும்பாததால் அதிர்ச்சி அடைந்த பாலு திருவாரூர் தாலுக்கா போலீசில் புகார் செய்தார். அதன் பேரில் போலீசார் வழக்குப்பதிவு செய்து மாயமான மாணவரை தேடி வருகின்றனர்.