திருவையாறு அருகே சாலை விபத்தில் 2 பேர் படுகாயம்

திருவையாறு:

திருவையாறு அருகே பள்ளியக்ரஹாரம் மணல்மேடு மேலத்தெருவில் வசிப்பவர் உத்திராபதி மகன் கிரி (27). இவர் சம்பவத்தன்று இரவு மோட்டார் சைக்கிளில் திருமானூரிலிருந்து சென்றபோது லாரி மோதி படுகாயம் அடைந்தார். அவரை மீட்டு தஞ்சை மருத்துவக்கல்லூரி மருத்துவமனையில் சேர்க்கப்பட்டார். திருவையாறு சப்-இன்ஸ்பெக்டர் உமாபதி வழக்கு பதிவுசெய்து விசாரணை செய்து வருகிறார்.

திருவையாறு அருகே திருப்பழனம் மெயின்ரோடில் வசிப்பவர் காசிவிஸ்வநாதன் (62). இவர் சம்பவத்தன்று மாலை சைக்கிளில் வரும்போது மினிவேன் மோதி படுகாயமடைந்தார். அவரை மீட்டு தஞ்சாவூரிலுள்ள ஒரு தனியார் மருத்துவமனையில் சேர்த்தனர். திருவையாறு சிறப்பு சப்-இன்ஸ்பெக்டர் கலியபெருமாள் வழக்குப்பதிவு செய்து விசாரித்து வருகிறார்.