வேலூர், திருவண்ணாமலை மாவட்டத்தில் லேசான தூரலுடன் மழை

வேலூர்:

வங்க கடலில் மையம் கொண்டுள்ள நடா புயல் புதுவை-வேதாரண்யம் இடையே நாளை காலை கரையை கடக்கும் என்று அறிவிக்கப்பட்டு உள்ளது. இதனால் தமிழகம், புதுவையில் பலத்த மழை பெய்யும் என்று எச்சரிக்கை விடுக்கப்பட்டுள்ளது.

இந்த நிலையில் இன்று காலை முதல் வேலூர், திருவண்ணாமலை மாவட்டத்தின் பல பகுதிகளில் லேசான தூரலுடன் மழை பெய்தது.

திருவண்ணாமலை மாவட்டத்தில் திருவண்ணாமலை, ஆரணி, அதனை சுற்றியுள்ள சேவூர், முள்ளிப்பட்டு, இரும்பேடு, எஸ்.பி. நகரம் மற்றும் செய்யாறு ஆகிய பகுதிகளில் காலை முதல் தூரலுடன் மழை பெய்து வருகிறது.

வேலூர் மாவட்டத்தில் வேலூர், அடுக்கம்பாறை, அரக்கோணம், ராணிப்பேட்டை, ஆற்காடு, வாலாஜா, அணைக்கட்டு உள்ளிட்ட பகுதிகளில் காலை 9 மணி முதல் லேசான தூரலுடன் மழை பெய்தது. பல இடங்களில் வானம் மேக மூட்டமாக இருந்தது.