தேனி:
தேனி சிவராம் நகர் பாலமுருகன் கோவில் தெருவை சேர்ந்த ஹக்கீம் மகள் சுரேகாபானு (வயது25). இவருக்கு கடந்த 5 வருடங்களுக்கு முன்பு திருமணம் நடந்தது. குழந்தை இல்லை. இதனால் கணவருடன் பிரச்சினை ஏற்பட்டு விவாகரத்து செய்துவிட்டனர்.
அதன்பிறகு தனது தந்தை வீட்டிலேயே வசித்து வந்தார். சம்பவத்தன்று வீட்டில் ஒரு கடிதம் எழுதி வைத்திருந்தார். அந்த கடித்தத்தில், நான் வெகுதூரம் செல்கிறேன்.
என்னை யாரும் தேட வேண்டாம் என குறிப்பிட்டிருந்தார். பல இடங்களில் தேடியும் கிடைக்காததால் அவரது தந்தை போலீஸ் நிலையத்தில் புகார் அளித்தார். போலீசார் அவரை தேடி வருகின்றனர்.
உத்தமபாளையம் நாட்டாமைகார தெருவை சேர்ந்தவர் அசரத் (36). இவரது மனைவி பசீரா (34). இவர்களுக்கு கடந்த 12 ஆண்டுகளுக்கு முன்பு திருமணம் நடந்தது.
ஒரு மகனும், ஒரு மகளும் உள்ளனர். பசீரா அடிக்கடி அதே பகுதியில் உள்ள மசூதிக்கு செல்வது வழக்கம். சம்பவத்தன்று மசூதிக்கு செல்வதாக கூறி சென்ற அவர் அதன்பிறகு வரவில்லை. இது குறித்து அவரது கணவர் உத்தமபாளையம் போலீஸ் நிலையத்தில் புகார் அளித்தார். போலீசார் அவரை தேடி வருகின்றனர்.
