வக்கீல்களை சிறையில் அடைத்ததன் மூலம் போராட்டத்தை முடக்க முடியாது: மோகனகிருஷ்ணன் கண்டனம்

சென்னை:

கோர்ட்டில் முற்றுகை போராட்டத்தில் ஈடுபட்ட 5 வக்கீல்கள் கைது செய்யப்பட்டு சிறையில் அடைக்கப்பட்டதற்கு ஐகோர்ட்டு வக்கீல் சங்க முன்னாள் தலைவர் மோகன கிருஷ்ணன் கண்டனம் தெரிவித்துள்ளார்.

இது தொடர்பாக அவர் கூறியதாவது:–

நியாயமான கோரிக்கைகளுக்காக போராட்டத்தில் ஈடுபட்ட வக்கீல்களை கைது செய்து சிறையில் அடைத்திருப்பது கண்டிக்கத்தக்கது. வக்கீல்களுடன் பேச்சுவார்த்தை நடத்தியே இந்த பிரச்சினைக்கு தீர்வு காண வேண்டும். அப்போதுதான் போராட்டம் முடிவுக்கு வரும்.

அதனை விடுத்து வக்கீல்கள் மீது வழக்கு போட்டு அவர்களை கைது செய்து சிறையில் அடைப்பதன் மூலம் போராட்டத்தை முடக்க முடியாது. இதுபோன்ற நடவடிக்கைகளால் போராட்டம் மேலும் வேகம் எடுக்கவே வழிவகுக்கும்.

கைதான 5 வக்கீல்களையும் ஜாமீனில் எடுக்க ஜார்ஜ் டவுன் கோர்ட்டில் மனு போட்டுள்ளோம்.

அந்த மனு இன்று அல்லது நாளை விசாரணைக்கு வரும் என்று எதிர்பார்க்கிறோம்.

இவ்வாறு மோகன கிருஷ்ணன் தெரிவித்தார்.