கோத்தகிரியில் உரிய ஆவணங்கள் இல்லாமல் இயக்கிய வாகனங்கள் பறிமுதல்

கோத்தகிரி:

கோத்தகிரி சுற்றுவட்டார பகுதிகளில் உரிய ஆவணங்கள் இல்லாமல் இயக்கப்படுவதாக கிடைத்த புகாரின் பேரில் வட்டார போக்குவரத்து அலுவலர் வெங்கட்ராமன் மற்றும் அதிகாரிகள் கோத்தகிரி, அரவேனு, கட்டபெட்டு பகுதிகளில் திடீர் ஆய்வு நடத்தினர்.

அப்போது உரிய ஆவணங்கள் இன்றியும் குடிபோதயிலும் வரி ஏய்ப்பு செய்தும் ஓட்டுநர் உரிமம் இன்றியும் இயக்கப்பட்ட லாரி, ஜீப், மினிலாரி, கார், ஆட்டோ உள்ளிட்ட 28 வாகனங்கள் பிடிபட்டது.

சம்மந்தப்பட்ட வாகன உரிமையாளர்கள் மற்றும் ஓட்டுநர்களுக்கு ரூ. 1.50 லட்சம் அபராதம் விதிக்கப்பட்டது.