வீட்டு வாசலில் தூங்கிய கணவன்-மனைவியை கத்தியை காட்டி மிரட்டி நகை கொள்ளை

கும்மிடிப்பூண்டி:

கும்மிடிப்பூண்டியை அடுத்த பாதிரிவேடு அருகே உள்ள பெரியபுலியூரைச் சேர்ந்தவர் ரகு.

வடசென்னை அனல்மின் நிலையத்தில் ஒப்பந்த ஊழியராக வேலை பார்த்து வருகிறார். இவரது மனைவி பதிபூர்ணம்.

நேற்று இரவு கணவன்-மனைவி இருவரும் வீட்டு வாசலில் தூங்கினர். அப்போது வந்த மர்ம கும்பல் பதிபூர்ணம் அணிந்து இருந்த நகையை பறிக்க முயன்றனர். அதிர்ச்சி அடைந்த அவர் கூச்சலிட்டார். சத்தம் கேட்டு எழுந்த ரகு அவர்களை தடுக்க முயன்றார்.

உடனே மர்ம கும்பல் அவர்கள் 2 பேரையும் கத்திமுனையில் மிரட்டி பதிபூர்ணம் அணிந்து இருந்த நகையை பறித்தனர்.

இதில் நகை இரண்டு துண்டாக அறுந்தது. 4½ பவுன் நகையோடு மர்ம நபர்கள் தப்பி ஓடி விட்டனர்.

இதுகுறித்து பாதிரிவேடு போலீசில் புகார் செய்யப்பட்டது. போலீசார் வழக்குப் பதிவு செய்து விசாரணை நடத்தி வருகிறார்கள்.